my mind wanders... on a thought of a green sunset

Friday, April 07, 2006

Enrolled and Ready for Summer

Madalas mahirap ang mahuli sa lahat ng bagay. Kadalasan kasi kapag nahuhuli ka marami kang bagay na malalampasan, at kadalasan importante ito sa mga susunod na pangyayari na magaganap sa buhay mo.

Minsan, hindi maiiwasan na mahuli.

Enrolment ko nung April 5. 8-9 ang meeting, tapos ang enrolment. Pinaalala ko ng paulit-ulit sa mga magulang ko ang tungkol dito dahil kadalasan kinakalimutan nila ang mga bagay-bagay. Hindi nga nila nakalimutan, kaso nagising na man kami ng 8. At Miyerkules pa, coding! Hindi namin magagamit yung sasakyan namin. Patay! Sobrang late na kami niyan!

Nag-bus lang kami ng mga magulang ko papuntang Masci, at nakarating kami ng 15 minutes to 10. Tapos na yung meeting with the principal. Tapos pagkarating pa lang namin punta kami kaagad sa UCB [under the comsci building] at na-enrol ako agad. Ang galing!!! Hindi na pumila yung mom ko!!! Napirmahan agad yung agreement. Kaso may konting aberya. Kailangan ng attendance sa meeting na hindi man lang nasilayan ng mga magulang ko. Sinabi na punta daw kami sa auditorium.

Eto yung cycle na pagdaraanan ng mga na-late sa meeting:

Akyat sa auditorium. Tapos papupuntahin kay Mrs. Apolinario. Hanapin si Ms. Chavez sa auditorium. Akyat papuntang audi. Wala siya doon. Magtanong. Punta sa guidance. Puntahan si Mrs. Arellano. Puntahan si Ms. Chavez sa Electronics Room. Nandoon siya. Kung naka-attend ka sa meeting, pirma niya ang nakukuha mo, jackpot. Kung hindi, pupunta ka sa office para kausapin ang principal bago mo makuha ang pirma.

Nang marating na namin ang part ng cycle kung saan kausap na namin si Ms. Chavez. Kung nagbasa kayong mabuti, malalaman niyo na hindi kami nakarating kahit isang segundo ng meeting na iyon [na according sa mga parents e hindi na kinakailangan masyado, sermon lang yun tungkol sa blah blah blah], sabi ng mom ko na na-late kami [true] tapos 15 minutes after 8 kami nakarating [false] at nakarating kami sa meeting [false] at nakalimutan niya magpapirma [false] kaya hinahanap ka namin Ms. Chavez [true] para magpapirma [true].

Ang lupet! Enrolled ako in less than 30 minutes.

April 5 din yung start ng outing ng Padolina. Kailangan ko pala ng snacks or kahit ano. Binigyan ako ng pambili at ng pambayad sa pool. Nag-meet kami sa Chow King sa Robinsons tapos namili kami ng drinks, ingredients ng pansit at ng konting chips. Weeee! We are ready to go!

Nandoon kami sa car nila Thea, kasama yung dad niya, si Michaelle, Jorge, Philippe, Jude, Nick Paul, Yani at ako. Sinundo namin si Ralph sa Magallanes. Ang haba ng biyahe kasi traffic sa SLEX, kasama pa yung joke ni pH na kung ang South Luzon Expressway ay SLEX, paano daw kapag South Expressway lang, at na sobrang habang paghihintay sa tollgate.

Pagkarating namin ng Solemar del Pansol, di muna kami nag-swimming [di kami excited] kaya nag-bilyar lang kami at nagbaraha muna kami. Nag-swimming lang kami noong mga 4 na. Dumating din sina Lorraine, Karen, Katz, Tita Yeta at Tita Arlyn nung nag-umpisa na yung swimming.

Masaya naman. Puro pictorial na nga lang e. Nagluto din kami ni Michaelle ng pansit [na tinatawag kong dog food dahil palpak iyon at kulang sa equipment at takip sa kawali] at nagkaraoke. Weee… masaya. Nag-twister din kami, tapos si Ralph at Katz ang nanalo.

Pagkatapos ng mga 5 rounds ng swimming at kulitan, natapos ang lahat noong April 6, 3 AM. Tulog na lang muna.

Nagising kami ng mga 6:30 at nag-breakfast. Bumili rin kami ng tubig kay Aling Kapuso. Tagal din namin hinintay ang Mendel, pero din a rin namin sila naabutan. Umalis na kami ng 10. Naiwan sina Philippe, Jude at Yani.

Weeee…. Tapos na… Hay… Sa wakas… Ciao~

my mind fleeted at :1:08 pm ;